လူလတ်တန်းစားတွေရဲ့
ဘဝတိုးတက်မှုနှုန်းထားက
ဘယ်လောက်များ မြန်ဆန်တာမို့လို့လဲ…
လွန်ခဲ့တဲ့ ငါးနှစ်လောက်က
ဘတ်စ်ကားပေါ်မှာတွေ့ဖူးတဲ့ မိန်းကလေးကို
လွန်ခဲ့တဲ့ အပတ်က
ဘတ်စ်ကားပေါ်မှာ ပြန်တွေ့တယ်။
သူမကလဲ ဘေးလူတွေနဲ့
မကိုက်သေးတဲ့ စာရင်းဇယားတွေအကြောင်းပြောလို့
ကျွန်တော်ကလဲ မဝယ်ဖြစ်သေးတဲ့
IT ပစ္စည်းတွေအကြောင်းတွေးလို့
မှတ်တိုင်တွေ တခုပြီး .... တခု ...
ဆူညံ ပူလောင် လှုပ်ခါ တိုးဝှေ့ မွမ်းကြပ် ယိမ်းထိုး တွန်းတိုက်
ပြီးတော့ ကားပေါ်က ဆင်းကြ
ဒါပါပဲ...
မထူးတော့လဲ မထူးပါဘူး
ဒီမြို့မှာနေသရွေ့တော့
ဒီဇာတ်လမ်းတွေပဲ ရိုက်နေရမယ့်
မင်းသားမင်းသမီးတွေပဲဥစ္စာ......။
(ဂယက်)
No comments:
Post a Comment