ပျော်နေတယ်လို့ထင်ရင်လဲ
ပျော်နေတယ်ပဲထားပါတော့
ထစ်ကနဲရှိသတိရချင်နေတဲ့စိတ်ကိုခုတ်ထွင်ရှင်းလင်းဖို့
သွေးခဲ့ရသောဓါးတွေများ
ရှို့ခဲ့ရသောမီးတွေများ
လေခဲ့ရသောညတွေများ
သွားခဲ့ရသောခရီးတွေများ
များသာများလာတယ် များတာကများတုန်းပဲ
ပျော်တယ်လို့ထင်ရင်လဲ ပျော်တယ်ပေါ့။
တခါတလေဆိုတာ တခါတလေပဲကောင်းတယ်
လိုတာထက် လိုလိုနေတတ်တဲ့ လိုအပ်မှုတွေထဲမှာ
အလိုဆုံးအရာကို မလိုတော့သယောင်ယောင်
ယူဆသတ်မှတ်ဆုံးဖြတ်ပုံဖေါ်အတည်ပြုကောက်ချက်ချ
တခါတလေမှာ
တခါတလေထက်ပိုတဲ့
တခါတလေများစွာ
တခါတိုင်းတခါတိုင်းလေခဲ့ရလွန်းလို့
တခါတလေတောင်
တခါတလေလောက်
မလေလိုတော့ဘူး.....။
ပိတ်ဆို့ရင်း ကာဆီးရင်း ငြင်းဆိုရင်း ကန့်ကွက်ရင်း ဖြတ်တောက်ရင်းနဲ့ပဲ
ပွင့်လင်းဖို့ကိုမေ့
ရှင်သန်ဖို့ကိုမေ့
ရုန်းကန်နေထိုင်မှုက
အဓိပ္ပါယ်ကောက်ကြောင်းယိုယွင်း
ငါမထွန်းထားထဲ့ကြယ်တွေ
ငါမခင်းထားတဲ့ညထဲ
ငါမခိုင်းပဲနဲ့တောက်ပ
ငါဘာမှမပြောရသေးဘူး ... ငိုနေကြပြန်ပြီ။
(ဂယက်)
No comments:
Post a Comment