ခင်ဗျားမှာ သံသယတွေ သိပ်များနေတဲ့အခါ...
ဘီယာသောက်တာတောင် တော်ရုံနဲ့မမူးနိုင်တော့ဘူး၊
အိပ်ယာနိုးရင်တောင် စိတ်လက်မမြူးနိုင်တော့ဘူး၊
မီးနီနေရင်တောင် လမ်းဖြတ်မကူးနိုင်တော့ဘူး၊
အဲဒီလိုမှမဟုတ်ရင် ခင်ဗျားသံသယဟာ အတုများလား၊
နောက်ဖြစ်နိုင်တာက ခင်ဗျားလျှောက်တဲ့လမ်း ပျောက်သွားမှာစိုးနေတဲ့
ခင်ဗျားရဲ့ကြောက်စိတ်ပဲလို့ ကျုပ်ကလဲ သံသယပြန်ဖြစ်လိုက်တော့မယ်။
လက်ခုပ်တီးသင့်တဲ့အချိန်မှာတီး
လက်ညှိုးထိုးသင့်တဲ့အချိန်မှာထိုး
ဒီနိုင်ငံမှာနေရင်
အမျိုးသားရေးစိတ်ဓါတ်နဲ့အတူ ဦးနှောက်လဲရှိဖို့လိုမယ်
မဟုတ်ရင် သံသယ အဖြစ်ခံရတတ်တယ်။
ခင်ဗျားမှာ သံသယတွေ သိပ်များနေတဲ့အခါ...
ဖြစ်နိုင်ချေကို မစဉ်းစားတက်တော့ဘူး၊
ဖြစ်နေတာကို လက်မခံတက်တော့ဘူး၊
ဖြစ်ခဲ့တာတွေကို မချင့်ချိန်တက်တော့ဘူး၊
ခင်ဗျားမှာ တကယ်တော့ ကြောက်စိတ်တွေသာ များနေတာမို့လို့
သင်္ကာရှင်းစေချင်ရင် ကြည့်လုပ်။
(ဂယက်)
No comments:
Post a Comment